GENERAL SANTOS CITY – Gisaway ni Prof. Mario Aguja, sa Mindanao State University kon MSU GenSan ang uban nga mga gasolinahan gumikan naglimita sa pagpagawas og petrolyo pipila ka oras una ang one time big time oil price hike kagahapong adlawa.
Sumala pa ni Prof. Aguja nga pagpanglimbong ang gihimo sa ubang mga gasolinahan gumikan ang karaan nga stocks ang ibaligya sa taas nga presyo.
Namatikdan usab niini nga ang ubang mga gasolinahan ang sayo nga nanirado.
Samtang ang ubang gasolinahan ang nagkanayon nga defective ang oil pump hinungdan nga wala nakabaligya.
Kahibaluan nga taas ang pila sa mga nagkadaiyang mga gasolinahan sa miaging gabii nga nagpa-full tank sa ilang sakyanan samtang ang uban ang may dala nga container aron nga may stock nga petrolyo.
