Gihingusgan ni Atty. Rey Cartojano, co-anchor sa Duralex Sedllex sa Bombo Radyo GenSan nga angayang i-regulate sa gobyerno ang operasyon sa online sabong sa nasud.
Matud pa ni Atty. Cartojano nga palig-onon ang sistema sa online sabong kung asa may limitasyon kung pila lang ka oras ang operasyon. Gikadugang pa niini nga dugay na nga gibawal ang tari-tari apan wala hingpit nga naundang.
Sa iyang pamahayag nga pinaagi sa regulasyon mapugngan ang pagka-addict sa usa ka tawo.
Nasayran nga kada bulan anaa sa P400 million ang buhis nga masingil sa PaGCOR sa online sabong.
Matud pa niini nga tutukan ang system sa online sabong aron malikayan ang mga fixers og imbestigahan sa mga pulis ang na-missing nga mga sabungero.
Nanukad ang isyu nga paundangon ang operasyon sa online sabong human sa imbestigasyon sa senado sa nawala nga mga sabungero.
Gibutyag pa ni Atty Cartojano nga kung paundangon ang maong gimbuhaton angayang lakip ang mga online games nga gipaluyohon sa mga Intsik gumikan adunay mga na-missing usab sa mga nalambigit sa maong industriya.
Kung undangon ang operasyon sa online sabong daghan ang mawad-an og trabaho gumikan anaa sa 40,000 ang gatrabaho sa nasampit nga industriya.
