GENERAL SANTOS CITY – Hugot nga gitutukan sa kapulisan ang natigayon nga pagpamusil patay sa Barangay Fatima ning dakbayan.
Matud pa kang P/Major Rizza Hernaez, chief of police sa Fatima Police Station nga adunay person of interest na ang kapulisan sa pagpusil patay kang Kent Jasper Ahos nga taga Purok 19, Bayanihan, Fatima ning dakbayan.
Sa iyang pamahayag nga ang biktima ang may kalambigitan og kasayuran sa mga nahitabo nga kremin sa dakbayan.
Gikadugang pa sa nasampit nga opisyal nga ang mga nadawat nila nga impormasyon ang ilang imbestigahan aron masayran kinsa ang responsable sa kremin.
Kahibaluan nga mangape unta ang biktima kauban ang bilas nga si Rodel Samonte sa dihang adunay usa ka lalake nga misulod sa ilang compound gitiro si Jasper.
Lima ka buto sa pusil ang nadunggan kung asa ang suspek ang paspas nga mihawa sa lugar human sa insidente.
Sa pamahayag ni Samonte, nga una ang insidente adunay miadto sa ilang balay kung asa gipangutana ang biktima kung asa sa dihang may nahitabo nga pagpangawat.
Gikadugang pa sa nasampit nga wala siya nakaila sa maong lalake gawas na lamang kang Jasper.
