GENERAL SANTOS CITY – Anaa sa 68 ang bag-ong kaso sa COVID 19 nga natala sa Rehiyon 12 base sa labing ulahing report sa DOH – Center for Health Development Soccsksargen Region.
Samtang anaa sa 242 ang bag-o nga nakarekober og walo ang patay nga tag duha ang gikan sa Koronadal City, GenSan, samtang tag usa sa Tacurong City, Lambayong, Sultan Kudarat, Sen. Ninoy Aquino, Sultan Kudarat og Polomolok, South Cotabato.
Sa 68 nga bag-ong kaso 22 gikan sa North Cotabato, 20 sa South Cotabat, 18 sa GenSan og walo sa Sarangani.
Ang South Cotabato ang nanguna nga may labing daghang kaso nga anaa sa 21,746 kung asa 543 ang active cases og 778 ang patay.
Ang GenSan ang may 17,550 ka kaso, 159 ang active cases og 614 ang patay.
Sa North Cotabato ang may 13,639 ka kaso, 326 ang active cases og 645 ang patay.
Nasayran nga sa Sultan Kudarat ang may 8,444 ka kaso, 66 ang active cases og 248 ang patay.
Ang Sarangani ang may 7,884 ka kaso, 76 ang active cases og 186 ang patay.
Sa katibuk-an adunay 69,263 ang COVID-19 confirmed cases sa SOCCSKSARGEN region kung asa 1,170 (1.69%) ang active cases, 65,594 (94.70%) ang recoveries og 2,471 (3.57%) ang COVID-19 related deaths.
