Gihingusgan ni Atty. Rowena Guanzon, retired Comelec commissioner nga sayop ang gihimo sa poll body nga gipangkuha ang mga campaign posters sa mga kandidato nga anaa sa pribadong nga area.
Matud pa ni Atty.Guanzon nga tuig 2015 pa nga adunay ruling ang Korte Suprema kalabutan sa maong isyu ang Diocese of Bacolod vs. Comelec.
Sa iyang pamahayag nga ang tag-iya sa pribadong area ang nagbutang sa campaign poster og wala siya gapapili sa election.
Gikadugang pa niini nga bisag unsa ang gidak-on sa campaign posters nga anaa sa pribadong area dili supak sa balaod.
Kahibaluan nga nahimong hisgutanan ang maong isyu human nga nagreklamo ang ubang mga kandidato sa pagbaklas sa Comelec sa mga campaign posters sa mga pulitiko bisag anaa sa pribadong nga area.
Ang kaso sa Diocese of Bacolod may kalabutan sa tarpualin nga gibutang simbahan sa hisgutanan nga Team Patay og Team Buhay.
Sa Team Patay ang listahan sa mga senador nga nagboto pabor sa RH Bill og Team Buhay ang supak sa maong sugyot balaodnon.
