GENERAL SANTOS CITY – Nagpatala sa Makar Police station ang usa sa tag-iya sa sakyanan nga nalambigit sa ambush sa Kalumabis, Guindulunagn, Maguindanao aron hatagan ug pagpaklaro nganong nakaabut sa lugar ang iyang sakyanan.
Matud ni Alnor Bangko Jekler, 45 anyos negosyante nga taga Purok 11 ,Lanton, Apopong ning syudad nga siya ang tag-iya sa ranger kolor itum nga may plate number nga LAC 6907 nga kauban sa kulay maroon nga Montero nga giambush nakalabay nga adlaw kung asa siyam ang patay tulo ang naangol.
Matud niini nga usa ka Barnarin Lumalat, 33 anyos nga residente sa Doña Soledad, Labangal ning syudad ang nagrenta sa ilang pick-up truck.
Ang nahisgutang negosyante ang nanag-iya ug car rentals nga nakabase sa syudad.
Igo lamang siyang gipahibalo nga nalambigit sa aumbush ang itum niini nga sakyanan.
Gibutyag nga Pebrero 11, 2022 mga alas 8:00 sa gabii gikuha sa nagrenta ang iyang sakyanan sa ilang balay sa Lanton, Apopong ug may ruta nga Dalican ug ibalik pagka ugma.
Base sa iyang pagpatala sa Makar Police station nga andam niini kuhaon ang sakyanan kung mahuman na ang gihimo nga imbestiogasyon sa mga otoridad.
