GENERAL SANTOS CITY – Gihingusgan ni Dr. Antonio Marin, department head sa City Veterinary Office nga dili pa pwede magbuhi ug baboy ning higayona ang mga taga Purok San Lorenzo Ruiz, Apopong ning dakbayan.
Matud pa kang Dr. Marin nga ang Department of Agriculture maoy magdeklara nga cleared na sa African Swine Fever (ASF) ang usa ka lugar.
Gihimong ehemplo niini sa ubang lugar sa Luzon nga makalabay ang usa ka tuig nagbalik sila sa pagbuhi og baboy apan nasuta nga nagkasakit gihapon sa ASF.
Miapila si Dr. Marin sa taga Purok San Lorenzo Ruiz nga mangita og alternatibong panginabuhian gumikan ang kinaiya sa virus sa ASF ang dugay nga mapatay.
Ang City Vet ang naghatud og mga piso sa manok nga gikan sa South Cotabato Swine Producers Association (SOCOSPA) isip tabang sa mga residente nga naapektuhan sa ASF.
