GENERAL SANTOS CITY – Walay natala nga adverse events atul sa pilot immunization batok sa COVID 19 sa mga nag edad singko hangtud onse anyos nga mga bata sa dakbayan.
Matud pa kang Dr. Jett Oco, local IATF incident commander nga mga gipili nga mga kabataan ang giuna aron nga matutukan ang ilang sitwasyon.
Gikadugang niini nga ang ubang mga ospital sa syudad ang mihangyo sa lokal nga gobyerno nga kung mahimo bakunahan nila
ang mga anak sa ilang mga empleyado.
Sa mga gusto nga magpabakuna gilauman nga ning semanaha ipahigayon ang launching sa registration.
Angayang dad-on ang birth certificate sa bakunahan og angayang kuyugan ang bata.
Kahibaluan nga usa sa mga nabakunahan ang anak ni Dr. Oco.
Sa iyang pamahayag nga giuna ang mga anak sa mga health workers gumikan dili malisdan nga ipasabot kanila ang sitwasyon og unsa ang epekto sa mga bata kung bakunado na .
