GENERAL SANTOS CITY – Anaa na sa 778,917 ang naturukan sa vaccine batok sa COVId 19 sa dakbayan.
Sumala pa datos gikan sa City Health Office nga anaa sa 376,991 ang nakadawat sa unang dose sa COVID 19 vaccines nga anaa sa 80.91% itandi sa target nga 465,938 nga angayang bakunahan.
Samtang anaa sa 365,308 ang nakadawat na sa second dose vaccine nga 78.40% itandi sa target nga 465,938 nga bakunahan.
Gibutyag ni Dr. Jett Oco, local Interagency Task Force (IATF) incident commander nga bisag dili taga GenSan nga gusto nga makaangkon og second dose o magpabooster shot ang ilang bakunahan nga gitawag niini nga No Wrong Door Policy.
Panawagan niini sa katawhan nga dili hulaton nga tawagan aron magpabooster.
Kung sobra na sa tulo ka bulan human ang second dose pwede na ang booster shot og kung janssen nga single dose pwede na muadto sa vaccination site makalabay ang duha ka bulan.
