GENERAL SANTOS CITY – Giduso karon ni South Cotabato First District Rep. Shirlyn Nograles ang House Resolution Number 2476 nga matul-id ang pulong nga Blaan nga nahimong hinungdan sa pagbi-ay-biay gumikan sa sayop nga paglitok kon miss pronounciation nga maghatag ug sayop nga interpretasyon.
Kini aron nga dili magpadayon ang sayop nga pagtawag sa mga indigenous people sa ilang tribo
Nasuta nga sagad gigamit sa spelling o pagsulat sa mga dokomento sa gobyerno lakip sa mga pribado nga buhatan ang sayop nga paggamit sa mga letra sa pulong Blaan.
Kaniadto gimulo na sa nahisgutang tribo ang sayop nga pulong nga Blaan tungod gigamitan ug apostrophy human masulat ang letra nga B nga ang husto nga pagka litok.
Sumala sa Blaan spelling advocacy of Kafyeblaan Empowerment Incorporated wala gayoy kuwit ang Blaan.
Sa House bill number 2476 gihangyo ang tanang ahensiya mga departamento, lokal government unit ug mga barangay sa tibuok nasud nga gamiton ang hustong spelling sa pulong Blaan sa tanang subject matters, kabahin sa Blaan Indigenous Peoples sa South Central Mindanao.
