GENERAL SANTOS CITY – Ibalhin sa City Engineer’s Office ang ilang opisina gikan sa kasamtangang gikahimutangan ngadto na sa Buayan ning dakbayan.
Matud pa ni Engr. Emerald Signar, department head sa City Engineer’s Office nga ang area nga pagatukuran ang gitawag nga Espasyo Heneral nga mao ang area nga giokopa sa kanhi Buayan Airport.
Samtang giaprobahan na sa Sangguaniang Panlungsod ang P64 million nga pondo alang sa pagatukuron nga bag-ong gambalay sa maong opisina.
Sa pamahayag ni Engr. Signar nga ilang comprehensive master plan nga nakalatid ang mga plano alang sa unom ka ektarya nga area.
Unahon una sa pagtukod ang ilang opisina.
Kahibaluan nga nahimong kontrobersyal ang pagpatukod sa gambalay sa City Engineer’s Office gumikan gibiyaan sa kontraktor ang proyekto.
