GENERAL SANTOS CITY -Mukabat sa 451 ka bag-ong kaso sa COVID 19 ang nadugang kagahapong adlawa sa Rehiyon 12 base sa labing ulahing report sa DOH – Center for Health Development Soccsksargen Region.
Samtang natala ang 270 ka mga indibidwal ang bag-ong nakarekober og duha ang patay usa niini ang 83 anyos nga taga Tupi, South Cotabato ug ang laing usa ang 54 anyos nga taga Koronadal City
Sa 451 ka bag-ong kaso 154 ang gikan sa GenSan, 49 sa North Cotabato, 164 sa South Cotabato og 84 sa Sultan Kudarat .
Ang South Cotabato padayon nga nanguna nga may 20,344 ka kaso, 1,009 ang active cases, 747 ang patay.
Ang GenSan ang may 16,631 ang kaso, 1,173 ang active cases og 591 ang patay.
Ang North Cotabato ang may 12,225 ka kaso, 821 ang active cases og 611 ang patay.
Ang Sultan Kudarat ang may 7,889 ka kaso, 466 ang active cases og 235 ang patay.
Ang Sarangani ang may 7,273 ka kaso, 396 ang active cases og 175 ang patay.
Sa tibuok rehiyon may 64,362 ang COVID-19 confirmed cases kung asa 3,865 ang active cases, 58,117 ang recoveries og 2,359 ang COVID-19 related deaths.
