Giaprobahan ni Mayor Ronel Rivera ang resolosyon No. 34 series og 2022 sa Sangguniang Panlungsod o gitawag nga “RESOLUTION EXTENDING THE PERIOD OF RENEWAL OF BUSINESS PERMITS FROM JANUARY 20 TO FEBRUARY 28, 2022 WITHOUT SURCHARGES AND PENALTIES.”
Kahibaluan nga base sa patakaran nga karong adlawa ang deadline Enero 20.
Apan sa gihimong aksyon sa lokal nga gobyerno pwede nga makaparenew pa ang mga negosyante hangtud Pebrero 28 kung asa gilugwayan og kapin sa usa ka bulan.
Matud pa ni Geraldine Zamora, licensing officer sa Business Permit and Licensing Division kon BPLD nga kahigayonan pa ang mga negosyante nga magparenew sa business nga walay multa hangtud sa Pebrero 28.
Sa mga dili makarenew pagkahuman sa maong petsa may multa og surcharges nga singlon sa mga negosyante. Sa dili gayud magrenew pwede nga masirad-an ang negosyo.
Kahibaluan nga online na ang renewal sa business permit aron malikayan ang pagtapok sa daghang mga tawo gumikan sa pandemnya.
Pwede nga maglog-in sa link nga Filipinzen.com aron nga maka-access og tubagon ang mga kinahanglanon nga mga impormasyon.
