Mayor sa Glan may gipaklaro kalabutan sa indibidwal nga nagpositibo sa omicron variant

Gipaklaro ni Mayor Vivien Yap sa Glan, Sarangani Province nga wala nakauli sa ilang lugar ang usa nila ka kababayan nga nagpositibo sa omicron variant sa COVID 19.

Kini ang pamahayag sa Mayor human nga migawas sa social media nga may natakdan sa omicron variant sa maong lungsod.

Gikumpirma sa mayor nga tinood nga residente sa ilang lugar ang maong OFW apan milahos sa Pampanga og didto nag- quarantine.

Gumikan niini walay nakasulod nga omicron variant sa Glan.

Kahibaluan nga ang omicron variant ang gitudlong hinungdan nganong midaghan pagmaayo ang kaso sa COVID 19 sa tibook Pilipinas.

Hugot nga gipahimangnuan ang katawhan nga batasanon ang pagsunod sa mga minimum health protocols aron makalikay sa COVID 19.