Mamahimo gihapon nga magpaturok og COVID 19 vaccine bisan pa og nahuman na ang 3 days national vaccination drive kagahapon.
Matud pa ni Philippine Medical Association-GenSan chapter president Dr. Butch Peñamante, hilabihan ang pagdagsa sa mga tawo nga gustong magpabakuna atol sa tulo ka adlaw nga gihimong simultaneous vaccination.
Ang kadaghanan sa mga nasampit ang karon lang nakahigayon sa pagpabakuna ilabina pa niadtong Nov. 30 kung asa holiday hinungdan nga walay trabaho.
Apan giklaro sa doktor nga ubay-ubay gihapon ang magpabilin nga mga vaccination site sa syudad nga mamahimong maadtuan sa mga wala pa makapabakuna.
Gikabutyag nga kasagaran sa vaccination sites nga naa sa mga malls ning syudad, fast food chain sa Lagao, MSU Gymnasium, og nagkadaiyang clustered sites sa Rural Health Units ang nakatala og libuan nga ihap sa mga indibidwal nga nagpabakuna nga mitubag sa panawagan sa gobyerno nga mupartisipar atol sa “Bayanihan Bakunahan” National Vaccination Days.
