Mas gipahugtan pa sa kapulisan sa dakbayan sa kooperasyon sa Land Transportation Office kon LTO og sa Highway Patrol Group kon HPG aron nga masunod ang mga traffic laws.
Matud pa kang P/ Lt. Clarizel Perez, spokesperson sa General Santos City Police Office kon GSCPO nga ang tumong sa mga gipahigayon nga checkpoint sa kadalanan aron nga hugot nga mapatuman ang mga traffic rules kung asa daghan ang wala usab lisensya samtang gamaneho.
Makatabang usab kini nga masumpo ang laing mga criminal activities kung asa ang ubang mga suspek ang gagamit og motorsiklo.
Matud pa ni Lt. Perez nga daghan usab ang wala gasul-ob kung magmaneho og motorsiklo hinungdan nga angayang hugot nga ipatuman.
Gawas pa nga daghan usab ang wala gagamit og prescribe nga helmet nga gikatakda sa balaod.
