Tulo ang nadakpan sa Makar Police Station kalabutan sa pagpatay kang Jeram Gonzales Alimana, 35 anyos nga usa ka negosyante kung asa nasamdan ang iyang anak nga si Alyas Ced, 7 anyos nga residente sa SM Village Brgy. Sinawal ning syudad sa natigayong pagpamusil kagahapon sa kaadlawon.
Matud pa ni PMaj. Patrich Elma, chief of police sa Makar Police Station, nga sa ilang gipahigayon nga hot pursuit operation nasikop silang Enrique Bilbao, amahan og mga anak nga silang Angelo og Ronnie Bilbao.
Gibutyag nga si Angelo ang nakalaban sa biktima kung asa nagpasaka og kasong physical injury ang namatay.
Gidakop ang mga nasampit base sa pamahayag sa mga testigo.
Karong adlawa ipasaka ang kasong murder og frustrated murder sa tulo ka mga dinakpan.
Nasayran nga dead on the spot si Jeram samtang kritikal ang kahimtang sa iyang anak nga naa karon sa tambalanan.
Gituohan nga gisundan ang biktima gumikan mipauli na kini sa ilang balay og pag-abot sa ngitngit nga bahin gipusil si Jeram nga naigo sa iyang ulo ug lawas hinungdan sa iyang kamatayon samtang nadamay ang anak nga nagpadayon nga giatiman karon sa mga doktor sa ospital.
