Gipaklaro ni Atty. Arman Clarin, City Legal Officer nga blacklisted na ang 19 ka mga kontraktor nga nagbiya sa ilang proyekto sa dakbayan.
Matud pa kang Atty Clarin nga miaksyon ang syudad sa maong problema gumikan dakong pondo sa gobyerno ang gigahin.
Gikadugang pa niini nga napahibalo na sa tanan ang gihimong aksyon kung asa dili na pwede makakuha og kontra sa tanang mga ahensya sa gobyerno.
Sa pamahayag ni Atty. Clarin nga base sa proseso nga pahibaluon una ang kontraktor kalabutan sa planong ipasaka sa syudad.
Apan sa ilang gipadalang sulat duha ka kontraktor ang nagpadayag nga mubatyad og performance guarantee aron dili na makasuhan.
Gipaklaro ni Atty. Clarin nga base sa balaod pwede nga mukuha og 20% mobilization fund ang kontrakor.
Kahibaluan nga daghan ang nagkwestyon nganong daghan ang gibiyaan nga mga proyekto sa syudad og unsa ang aksyon nga gihimo sa lokal nga gobyerno.
Nasayran usab nga ang maong mga kontraktor ang dili taga dakbayan
