Adunay mga nagreklamo na sa buhatan sa National Bureau of Investigaton kon NBI Sarangani District Office kon SARDO kalabutan sa operasyon sa MERS nga gakolekta og salapi human nga mipasalig nga may dakong interes kada bulan.
Matud pa ni Atty. Peneza nga pareho ang modos operandi sa MERS sa miaging mga investment scam sa syudad susama sa KAPA, ALAMCO og uban pa.
Sa pamahayag ni Atty. Peneza nga kasagarang mahitabo nga mag-apply isip ordinaryong negosyo ang maong mga investment scam apan lahi ang matang sa ilang mga aktibidad nga wala nahisubay sa balaod.
Sa pamahayag sa nasampit nga ang nahitabo karon nga nahimong hakog na ang mga tawo sa kwarta.
Kahibaluan nga nagpagawas na og advisory ang Securities and Exchange Commission kon SEC batok sa operasyon sa MERS human nga mipasalig nga maghatag og 30% nga interest kada bulan nga supak sa balaod.
Ang maong negosyo ang nagtakuban isip lending business apan ang mga gadumala ang kanhi mga sakop ni Joel Apolinario sa KAPA.
