Magsugod na ang klase ning adlawa sa mga magtutungha sa pampublikong tulunghaan.
Alayon niini, nanawagan si Dr. Romelito Flores, ang Schools Division Superintendent sa DepEd GenSan sa tanan nga magtinabangay ning higayona kung asa magpabilin gihapon sa distance learning ang paagi sa pagtudlo tungod sa pandemya.
Gihingusgan sa nasampit nga opisyal nga may dakong papel ang mga ginikanan aron nga dili malisdan ang mga estudyante sa pagtungha.
Sa pamahayag niini nga mas maayo unta ang face to face classes aron matutukan ang mga estudyante ilabi sa kindergarten og grade 1 apan sa karon dili pa kini mahitabo tungod nagpabilin gihapon ang bahad sa coronavirus disease.
Giangkon ni Flores nga dakong hagit ngadto kanila kung sa unsa makakat-on ang mga estudyante sa distance learning.
Nasayran nga naka-distribute na miaging adlaw og mga modules ang pipila nga mga magtutudlo una pa man ang pagsugod sa klase ning adlawa.
Sumala pa nga mudawat og pa og enrollees ang mga tulunghaan hangtod ning adlawa dungan sa unang adlaw sa klase sa school year 2021 hangtod 2022.
