GENERAL SANTOS CITY – Sa unang higayon gumikan sa pandemya ipahigayon sa tanang rehiyon sa nasud ang 2021 Bar Examination.
Sa Region 12 usa lang ang testing site nga mao ang Mindanao State University, sa Fatima, sa dakbayan alang sa 204 ka mga slots o examinees.
Karon pa lamang nagpahinumdum si 2020/21 Bar Chairperson Associate Justice Marvic Leonen sa tanang mga bar hopefuls nga magpili na sa mga local testing centers nga duol sa lugar.
Una giaprobahan sa korte suprema ang mga local testing centers nga adunay gihimong assestment, negosasyon, initial ocular inspections hangtud nga naaprobahan.
Sa Region 11 o Davao Region ang testing Center mao ang Ateneo de Davao University, Senior High School Campus, Bangkal, Davao City nga may maximum nga 800 slots.
Sa katibuk-an adunay 15,013 slots sa 24 ka mga local testing sites alang sa 2021 bar examination sa bulan sa Nobyembre.
