GENERAL SANTOS CITY – Hugot ang implementasyon sa Sarangani Police Provincial Office sa direktiba sa DILG nga dakpon og kasuhan ang mga nakasupak sa health protocol batok sa covid 19.
Matud kang P/Capt. Robert Fores, tigpamaba sa SPPO nga ubay-ubay ang mga nadakpan nga residente sa Alabel, Glan og Malapatan tungod wala nagasul-ob ug face mask, face shield og wala giobserba ang social distancing.
Padayon nga galibot ang kapulisan sa nagkadaiyang lugar aron pahimangnuan ang mga katawhan sa pagsunod sa mga protocols aron malikayan ang pagkatag sa covid 19 virus.
Samtang gibutyag ni Flores nga gipailawom sa lockdown ang Glan Municipal Police Station tungod sa pagpositibo sa dili muobos sa lima ka pulis niini.
Ang mga nasampit nag-self isolate sa ilang estasyon kung asa ginasuportahan usab sa mga residente sa lugar human nga gitunolan ang mga nasampit og mga pagkaon, prutas, og bitamina butang nga gipasalamatan sa kapulisan.
