GENERAL SANTOS CITY- Nindot ang nahimong turnout sa pagbakuna batok COVID-19 sa probinsya sa Sarangani, kini sumala pa sa Sarangani Provincial Health Office.
Nasayran nga dul-an na sa 20,000 ka mga taga Sarangani Province ang nabakunahan na batok sa maong deadly virus.
Base sa datos nga gipagawas sa PHO Sarangani nga niabot na sa 18,284 kabuok mga indibidwal ang nabakunahan sa unang dose sa Sinovac ug AstraZeneca sa Sarangani as of June 25.
Gilangkuban kini sa mga frontline health worker, senior citizen, ug kadtong may mga comorbidity o balatian nang daan edad dise otso hangtud 59 anyos. Samtang, 5,310 ang naka-kumpleto na sa pagbakuna, buot pasabot natapos na ang ilang ikaduhang dose.
Sa nahimong pamahayag ni Dr. Arvin Alejandro nga gibutyag sa tabang sa bakuna dili na mu-grabe ang sintomas nga masinatian kung natakbuyan sa sakit.
