GENERAL SANTOS CITY – Gidawat ni Sen. Manny Pacquiao ang hagit ni Pangulong Rodrigo Duterte na pamatud-an ang mga alegasyon nga ang kasamtangang administrasyon tulo ka higayon nga mas corrupt kumpara sa miaging administrasyon.
Giklaro ni Sen. Pacquiao nga wala nakig-away sa pangulo apan ang hagit kaniya ang nindot nga higayon nga maghatag ug mga impormasyon alang sa kampanya sa a gobyerno kontra korapsyon.
Gibutyag sa senador nga ang Philhealth ang labing corrupt nga buhatan sa gobyerno gisundan sa Department of Public Works and Highways (DPWH) og ang Bureau of Customs.
Possible nga wala nahibalo ang pangulo hinungdan nga hatagan niya og mga ebidensya og mga dokumento aron magpamatuod sa iyang mga alegasyon kalabot sa korapsyon sa gobyerno.
Gihingusgan ni Sen. Pacquiao nga iboto man siya o dili sa mga tawo sa sunod nga eleksyon, mubarog gihapon kini sa kung unsa ang tama.
Sunod tuig may bag-ong mamahimong presidente ang Pilipinas kung diin kung kinsa ang buot nga ibutang sa Ginoo sa maong posisyon, gibutyag ni Sen. Pacquiao nga iyang iampo nga mubarog kung unsa ang tama.
Ugaling palaron nga mahimong presidente sa nasud, andam kining magdeklara og gyera batok sa korapsyon.
Gibutyag niini nga angayang ipa-audit ang tanang ahensya sa gobyerno gikan sa nasyunal, local hangtod sa barangay level sa tibuok nasud.
