GENERAL SANTOS CITY – Mukabat na sa 214,382 ang naturukan og Covid 19 vaccines sa nagpadayong vaccine rollout sa Region 12.
Base sa gipagawas nga datos sa DOH 12 nga anaa sa 147,975 ang nakadawat sa ilang first dose samtang 66,407 ang nakakumpleto na sa gikinahanglan nga duha ka doses nga madawat sa usa ka indibidwal.
Sa 1st dose, mukabat sa 58, 175 ang mga frontline/healthcare workers kon A1 ang nabakunahan, 56.019 sa senior citizens kon A2 og 33, 781 sa mga persons with comorbidities kon A3 priority group.
Samtang sa 2nd dose, mukabat sa 44,193 ka mga frontline/healthcare workers tibuok rehiyon dose nabakunahan na, 20,300 sa senior citizens ug 1,914 sa mga persons with comorbidities.
Sa karon, padayon ang panawagan sa DOH 12 nga magpabakuna na og second dose ang mga nabakunahan na og first dose vaccines.
