Lokal nga gobyerno sa GenSan angayang maghimo og paigong solusyon aron nga muubos ang kaso sa COVID 19

GENERAL SANTOS CITY – Gihingusgan ni Dr. Fidel Peñamante, presidente sa GenSan Medical Society nga angayang estudyohan pagmaayo sa lokal nga panggamahan kauban ang IATF nga makahimo og paigong solusyon aron nga muubos ang kaso sa COVID 19.

Gani, lakip ang Region 12 sa mga gitutukan karon sa Department of Health tungod padayong mitaas ang kaso sa maong virus.

Sumala pa, sa tibuok nasud ang Rehiyon 12 ang ikaduha sa positivity rate base sa standing, ang una mao ang Region 4-B nga may 38% nga positivity rate.

Sa pamahayag ni Dr. Peñamante nga angayang makontrola ang pagdaghan sa kaso sa COVID 19.

Sumala pa nga kung daghan ang kaso sa COVID 19 dako ang posibilidad nga mag-mutate ang virus og lisod na sa mga eksperto nga magsulbad niini.