GENERAL SANTOS CITY – Patay na sadihang nakaplagan ang usa ka person with disability (PWD) human kini naghikog.
Giila ang biktima nga si Renato Serano, 48 anyos nga residente sa Purok Maharlika Brgy. Poblacion Alabel, Sarangani Province.
Matud kang P/Major Wesley Matillano, ang hepe sa Alabel Municipal Police Station nga nakadawat sila og tawag nga nagpahibalo kanila sa insidente hinungdan nga gilayong girespondihan og naabtan ang biktima nga nagbitay sulod sa lawak niini sa ilang balay.
Gihikot sa biktima ang iyang kaugalingon gamit ang wire.
Gibutyag sa nasampit nga opisyal nga wala silay nakit-ang timailhan nga adunay foul play ang kamatayon sa biktima.
Samtang mismo na ang pamilya ang nagkanayon nakasinati og depresyon ang ilang anak tungod sa sitwasyon niini sa panglawas nga nagresulta sa pagakutlo sa kinabuhi.
