GENERAL SANTOS CITY – Giawhag sa City Veterinary Office ang mga meat vendors, meat shop, malls, merkado, publiko og bisan ang mga talipapa sa dakbayan nga angayang pamub-an ang presyo sa ilang baligya nga karneng baboy.
Kini human nga gikumpirma ni Dr. Ephraim Marin, labaw sa maong opisina nga miubos na ang farm gate price kon presyo sa buhing baboy gikan sa mga piggery og farms.
Gibutyag niini nga ang palit karon anaa na lang sa P160 matag kilo gikan sa P190 per kilo sa nakalabay nga bulan.
Nagtuo si Dr. Marin nga epekto kini sa pag-abot sa mga imported nga baboy gikan sa ubang nasud.
Hinungdan nga gikonsidera sa maong opisyal nga usa ka maayong balita kini alang sa tanan hilabi na karong panahuna nga nasinatian pa ang krisis gumikan sa COVID-19.
