GENERAL SANTOS CITY – Daghan ang mga bun-og sa lawas og bali ang kusok ni Philip Nocete ang bilanggo nga nakulatahan patay sulod sa selda sa Tambler Police Station.
Matud pa kang Dr. Ricardo Rodaje, medico legal chief sa National Bureau of Investigation (NBI) nga kini ang resulta sa gihimo niya nga autopsy. Ang namatay ang possible gibunalan og gahi nga butang o kaha gisumbag sa agtang nga maoy hinungdan nga adunay bukol .
Gibutyag ni Dr. Rodaje nga adunay gasgas sa kinatawo sa maong lalake gawas pa nga bun-og usab ang mga internal organs .
Kahinumduman nga Mayo 5, 2021 gidakop pinaagi sa citizens arrest ang nahisgutan human matud pa gireklamo sa usa ka babaye samtang anaa sa usa ka imnanan.
Gikasuhan pa ug attempted rape ang nahisgutan mao nga gikustudiya sa Tambler Police apan dihang gisulod sa selda didto gitabangan sa kulata sa upat ka priso hinungdan nga nakaangkon ug bun-ag apan dihang gidala sa hospital gideklara hinuon kini nga dead on arrival.
