GENERAL SANTOS CITY– Nagpahimangno ang embahada sa Pilipinas sa mga pinoy sa Israel nga magpuyo na sa balay kung dili mahinungdanon ang tumong kung mugawas gumikan sa padayong tensyon tali sa Israel og sa Palestine.
Sumala pa ni Bombo International correspondent Julie Carriedo nga taga New Society, Apopong ning syudad nga grabe ang iyang kakulba kung magpalupad ugmga rockets ang mga Hamas nga gitiro sa Palestine kung asa mupalupad usab ug anti rocket ang Israel gamit ang ilang Iron dome.
Gumikan sa kadaghan sa rockets nga gibuhian sa Palestine wala na-intercept tanan sa Israel hinungdan nga ubay-ubay ang naangin nga mga istraktura, sakyanan og uban pa.
Sa iyang pamahayag nga ang sirena lang ang ilang gibantayan og kung kini magtingog gilayon sila mutago sa bomb shelter.
Nanghinaut si Carriedo nga unta mahuman na ang kagubot gumikan apektado silang mga nagpuyo sa lugar luyo nga unang higayon pa lamang niini nasinati-an ang maong panghitabo.
