GENERAL SANTOS CITY – Gipanghimakak sa labaw sa kapulisan sa General Santos City ang mikatag nga mga report nga magpatuman og lockdown sa Lagao Police Station.
Mismo si P/Col. Gilberto Tuzon ang nagbutyag nga walay lockdwon nga ipatuman sa maong estasyon human sa report nga nagpositibo ang usa ka personahe sa COVID 19.
Giklaro sa opisyal nga pito ka adlaw una pa man migawas ang resulta sa swab test nag-self quarantine ang sakop hinungdan nga walay naka-close contact sulod sa pipila ka adlaw.
Sa pamahayag ni Tuzon nga nagpabilin nga normal ang operasyon og mga transaksyon sa Police Station 3 alang sa publiko samtan nagpadayon ang mga operasyon batok sa ilegal nga gimbuaton.
Nasayran nga base sa case profile sa mga bag-ong kaso kagahapon , tulo sa 19 sa mga nagpositibo sa sakit mga sakop sa PNP nga pulos residente sa dakbayan.
