GENERAL SANTOS CITY – Gikatakda sa April 19 hangtud 23, 2021 ang pagbakuna sa mga senior citizens sa dakbayan sa Heneral Santos.
Matud pa kang Dr. Jett Oco, labaw sa City Health Office kon CHO nga ang ilang listahan ang gikan sa Office of the Senior Citizen Affairs (OSCA), ingon usab sa gipahigayong pag-isyu sa enhanced quarantine pass kung asa gikuha ang data sa matag panimalay.
Sa pamahayag ni Dr. Oco nga kadtong wala gihapon sa listahan muadto sa TAPAT QR Code Registration kung asa pwede didto magparehistro .
Tulo usab ka mga dagkong mall ang miuyon nga sa ilang lugar ipahigayon ang vaccination sa sunod nga semana.
Gibutyag ni Dr. Oco nga sa SM mall ang alang sa San Isidro og City Heights Rural Health Unit (RHU), Robinsons Mall ang alang sa Bula og KCC sa Tinagacan, og Tambler RHU .
Ang screening ang himoon sa kada RHU og kung makapasa isakay sa LGU bus padulong sa mall kung asa naka-assign ang ilang barangay.
Pagkahuman musakay gihapon sa LGU bus ang mga senior citizens balik sa RHU.
Gibutyag nga 48 ka mga senior citizens kada barangay ang mabakunahan sa sunod semana.
