GENERAL SANTOS CITY – Laing pagpamusil patay na usab ang natigayon sa syudad sa Heneral Santos.
Ang biktima ang nailhan sa pangalan nga si Ibrahim Kadil Sabiwang, 53 anyos nga kanhi municipal councilor sa Palimbang, Sultan Kudarat, og residente sa Isabella Homes, Barangay San Isidro, ning syudad.
Base sa imbestigasyon nga ang biktima kauban ang iyang asawa nga si Kalima Andal Sabiwang, ang sakay sa Toyota Fortuner color itum nga naka-parking sa Nuñez St., San Isidro, sa dihang gipusil sa wala mailhing suspek.
Ang duha ka wala mailhing lalake ang sakay sa motorsiklo kolor itum ang mihawa gilayon human sa insidente padulong sa direksyon sa Purok Malakas Public Market.
Si Sabiwang ang nakaangkon og daghang samad sa lawas kung asa gidala gilayon sa Mindanao Medical Center apan gideklarang dead on arrival.
Ang San Isidro PNP ang hugot nga gaimbestiga aron masayran ang motibo og kinsa ang responsable sa kremin.
Gibutyag nga ang biktima ang subject sa operasyon nga gihimo sa mga pulis sa miaging tuig.
