GENERAL SANTOS CITY – Gipaklaro ni Kapitan Paolo Natividad sa Brgy. Apopong nga dili iyaha kon dili sa bayaw niya ang nanag-iya sa Ultimate Superclub sa Corner Osmeña Quirino Street.
Kahinumduman nga nag-abli ang maong imnanan kaniadtong Biernes, March 26 kung asa base sa migawas nga videos, wala nasunod ang mga minimum health protocols hilabina ang pagsul-ob sa mga customers og face mask, social distancing og ang capacity sa club sa mga customers nga angayan nilang pasudlon.
Sa pakighinabi sa Bombo Radydo, giklaro ni Kapitan Natividad nga sa igsuon sa iyang asawa ang maong club.
Giangkon niini nga nasayod sila nga may gatuyok nga mga videos atol sa gipahigayong soft opening sa miaging gabie.
Apan giklaro niini nga limited lang ang mga tawo apan dili malikayan nga adunay pipila nga gustong musulod og mutan-aw sa sulod sa club apan ginapagawas gihapon nila human nga makit-an ang sitwasyon sa sulod.
Gihingusgan ni Kapitan Natividad nga natural lang siguro nga dili sul-ob ang face mask sa higayon nga muinom sukwahi kini sa kuha sa video nga kasagaran sa mga party goers ang wala nagsul-ob og face mask gawas pa nga grabe ang pagdikitanay atol sa pagsayaw sa tibuok party.
Gipasalig ni Kapitan Natividad nga dili itolerate ang iyang bayaw og maymayan niya may kalabotan niini .
Sa nahimong sa pamahayag sa nasangpit nga kapitan nga sumala pa gina-initan matud pa karon ang mga bar sa syudad.
