GENERAL SANTOS CITY – Dako ang natabang sa footage sa CCTV camera sa nagpadayong imbestigasyon sa kapulisan sa syudad kalabutan sa kamatayon ni Cpl. Nasrudin Basuan.
Matud pa kang City PNP Director Col. Gilberto Tuzon nga duha ka motorsiklo ang giimbestigahan sa insidente.
Gikadugang pa niini nga may person of interest sila nga gitutukan. Hinoon wala naghatag og dugang detalye Col. Tuzon aron dili maapektuhan ang ilang imbestigasyon .
Sa unang pamahayag ni P/ Capt. Abdulsalam Mamalinta, chief of police sa Bula police station nga personal nga mga problema sa ilegal nga mga aktibidad ang gitun-an nga anggulo sa pagpusil patay kang Cpl. Basuan.
Gituohan nga ang mga nakaaway sa biktima sa iyang ilegal nga aktibidad ang hinungdan nganong napusilan patay samtang gakaon sa usa ka restaurant atbang sa usa ka mall.
Sa pamahayag niini upat ang mga suspek nga nakasakay sa motorsiklo base sa CCTV footage.
Ang usa ka motorsiklo ang nagsilbing lookout.Ang unom ka mga trainee nga pulis nga kauban ni Bansuan sa dihang nahitabo ang kremin ang anaa na sa kustudiya sa PRO 12.
Si Bansuan ang kanhi gipailawom sa superbisyon sa Regional Public Holding Accounting Unit (RPHAU) apan gikuha sa Regional Training Center mao nga kuyog niini ang unom ka Police trainee personnel.
