GENERAL SANTOS CITY – Nagpadayon ang vaccination sa Dr. Jorge P. Royeca City Hospital og uban pang hospital vaccination sites sa dakbayan sa Heneral Santos.
Anaa sa ikaupat nga adlaw na karon sa Resbakuna Campaign sa gobyerno alang sa mga frontline healthcare workers.
Sa pinakaulahing gipagawas nga datos gikan sa City Health Office Gensan, misaka na sa 1,804 ang ihap sa mga health workers sa dakbayan ang nabakunahan kontra Covid-19 sulod sa tulo ka adlaw nga pagabakuna.
Ang maong ihap ang milangkob sa 57.48 percent sa gina-target sa City Health Office.
Nasayran nga kagahapon, March 10, anaa sa 19.69% kon 618 health workers ang boluntaryong nagpaturok sa Sinovac gikan sa unom ka mga Covid-19 referral hospitals ning syudad.
Kahibaluan nga anaa sa 3, 138 nga mga healthworker sa maong mga tambalanan ang target nga mabakunahan sulod sa pito ka adlaw.
