GENERAL SANTOS CITY – Gideklara sa Sangguniang Panlalawigan sa Sarangani nga persona non grata si Roland Longakit nga nagsaway kang Sen. Manny Pacquiao nga walay katungod nga magpapili isip pangulo sa nasud.
Matud pa kang Board member Armand Guiley nga dili angayang dauton si Pacquiao gumikan daghang ang natabang sa Sarangani og angayang ipasigarbo.
Gawas pa niini nga wala nagdeklara si Pacquiao nga magpapili isip senador.
Gikadugang pa niini nga dili magpagawas og opinion nga makapasakit sa gibati sa usa ka tawo.
Samtang nangayo og pasaylo si Longakit kang Sen. Pacquiao sa iyang nahimo og giangkon ang kasaypanan.
Giangkon niini nga sa iyang private account gipost ang maong komento.
Nanghinaut ang nasampit nga dawaton ang iyang pagpangayo og pasaylo dungan sa pamahayag nga mahimong responsable sa gipost niini sa social media.
