GENERAL SANTOS CITY — Mukabat sa 37.79 o 1,186 ang nabakunahan na nga mga health workers sa dakbayan sa syudad sulod sa duha ka adlaw nga pagbakuna.
Sa unang adlaw anaa sa 502 ka mga health workers ang nabakunahan og sa ikaduhang adlaw anaa sa 689.
Sa day 2 anaa sa 91 ang nabakunahan sa Dr. Jorge Royeca Hospital, 175 sa St. Elizabeth Hospital, 137 sa Doctors Hospital, 106 sa Socsargen Hospital, 100 sa Mindanao Medical Center og 80 sa GenSan Medical Center.
Kahibaluan nga duha ka senior citizen sa GenSan nga mga priority frontline health care workers ang nabakunahan sa COVID 19.
Kini mao silang Dr. Wilfredo Garcia, 70, og Dr. Benjamin Pagarigan Jr., 69, anyos.
Ang duha ang kasamtangan gaserbisyo sa Dr. Jorge P. Royeca Hospital (DJPRH), nga bolontaryo nga nagpabakuna sa sinovac vaccine luyo nga wala girekomenda ang maong bakuna sa kapin sa 60 anyos.
Ang duha ka mga doktor ang nagpirma og waivers nga gusto nila mabakunahan sa vaccine kung asa nagsumiti og clearances gikan sa ilang personal doctors.
