GENERAL SANTOS CITY – All set na ang vaccination plan sa syudad sa Heneral Santos alang sa matigayon nga pagbakuna sa katawhan batok sa COVID 19.
Matud pa kang City Mayor Ronel Rivera nga gikatakda usab nga ipahigayon ang simulation o pagpraktis oras nga muabot ang bakuna sa dakbayan.
Sa pamahayag pa sa mayor nga Astrazeneca og Novavax ang paliton sa syudad alang sa 300,000 ka mga residente.
Gikadugang pa ni Mayor Rivera nga adunay bakuna nga ihatag ang national government alang sa GenSan human misaad si Vaccine czar Carlito Galvez nga hatagan ang dakbayan og bakuna apan wala pa masayran sa syudad kung unsa nga bakuna ang muabot sa dakbayan.
Kahibaluan nga Marso 1, 2021 nagsugod ang pagbakuna sa nasud batok sa COVID 19 kung asa Sinovac nga hinimo sa China ang gigamit.
