GENERAL SANTOS CITY – Adunay gihan-ay nga plano karon ang syudad sa Heneral Santos kauban ang kasikbit nga lugar ang Sarangani og South Cotabato.
Matud pa kang Mayor Ronel Rivera nga adunay memorandum of agreement tali sa maong lokal nga gobyerno nga magtinabangay oras nga sugdan na ang pagbakuna kada lugar.
Sa pamahayag pa niini nga ipahulam ang mga medical workers sa syudad sa maong mga lokal nga gobyerno og mao usab ang mahitabo sa dakbayan .
Samtang wala pay kompirmasyon nga nadawat ang lokal nga gobyerno kung unahon pa gayud ang mga law enforcers nga mabakunahan sa vaccine nga ihatag sa national government .
Apan base sa unang gipagawas nga impormasyon ang mga medical frontliners ang unahon sa pagbakuna, sundan sa mga senior citizens og mga indigents.
Una niini gibutyag sa DOH 12 nga wala pa silay impormasyon nga nadawat kung kanus-a muabot ang bakuna sa rehiyon.
Ang 600,000 doses nga bakuna gikan sa China ang uban ang ipadala sa Cebu City alang sa Vicente Sotto Memorial Medical Center og sa Davao City ang alang sa Southern Medical Center.
