GENERAL SANTOS CIRY – Dakpan ang magtiayon tungod sa standing warrant of arrest sa kasong giatubang sa Klinan 6, Mabuhay ning syudad atol sa Valentine’s Day.
Giila ang mga nasampit nga silang Reyna Gahilsot 45 anyos, usa ka housewife og bana niini nga si Antonio Cahilsot , 47 anyos nga usa ka insurance agent.
Wala na makasaulog og adlaw sa kasingkasing ang magtiayon human nga napaslak ang mga nasampit sa selda sa Police Station 3.
Gikabutyag nga nag-atubang sa kasong estafa ang magtiayon human nga gireklamo sa ilang mga kliyente nga nangilad.
Nasayran nga kaniadtong Oktobre 2019 dihang migawas ang warrant of arrest sa magtiayon.
Tag P12,000 nga piyansa ang girekomenda sa korte alang sa ilang temporaryong kagawasan apan kung dili makabayad, dalhon ang mga nasampit sa Lanton Reformatory Center sa Brgy Apopong .
