GENERAL SANTOS CITY – Nagpabilin sa “suggested retail price” ang presyuhan sa meat products sa rehiyon. Kini ang nahimong pagpaklaro ni Department of Agriculture 12 executive director, Arlan Mangelen taliwala sa pagsaka sa presyo sa karne sa baboy ug manok sa mga merkado sa Soccsksargen area.
karneng baboy sa Luzon area
Matud pa niini, wala matod pa’y nakit-ang kaso sa manipulasyon sa presyo ang buhatan.
Tungod niini, gawas sa mga local government units, gipalihok na sa buhatan ang National Bureau of Investigation ug PNP-Criminal Investigation and Detection Group sa gipahugtang “Bantay Presyo” campaign, batok sa mga bentahusong mga negosyante.
Kahibaluan nga nahidangat sa dakbayan si DA Sec. William Dar aging adlaw kung asa gipakigkitaan ang mga hog raisers sa dakbayan og naistoryahan ang problema may kalabotan sa problema sa kakulangon og supply sa karneng baboy sa Luzon Area.
Nasuta nga mukabat sa 260 buhi nga baboy ang gipadala paingon sa Kauluhan kung asa naggikan sa mga piggery sa Soccsksargen.
