GENERAL SANTOS CITY – Obligado na sa mga private car owners ang pag-muntar og “child seats” alang sa mga batang pasahero 12 anyos paubos.
Matud pa ni LTO 12 Director Macario Gonzaga, nadelatar na ang implementasyon sa Republic Act 11229 o ang Child Safety in Motor Vehicles Act human nga naaprubahan kaniadtong December 2019.
Base sa Implementing Rules and Regulations (IRR) nga ipatuman ang maong balaud usa ka tuig ang nakalabay human ang information campaign nga nahuman kaniadto pang December 20, 2020.
Epektibo kagahapong adlawa ang pagpatuman sa maong balaud kung asa nalatid nga gibawal ang pagpalingkod sa mga menor de edad, nagpangidaron 0-12 years old sa front seat sa sakyanan.
Gidugang ni Gonzaga, angayang sundon ang standards sa child restraint systems kun child seats kun asa angayang may ICC sticker pati ang requirements sa pagkabutang niini sa sakyanan.
