GENERAL SANTOS CITY – Laing sakop sa Dawlah Islamiyah ang patay sa natigayong buy bust operation sa Purok 6, Crossing Palkan, Polomolok South Cotabato.
Giila ang napatay nga si Bernardo Panelo Durias, 38 anyos nga residente sa Koronadal Proper, Polomolok .
Kini human nasabtan sa suspek ang lihok sa iyang ka trasaction mao nga buot unta mukuha ug pusil sa usa ka pick-up apan naunahan kini sa mga otoridad.
Gilayon nga gidala sa Polomolok Municipal Hospital ang biktima nga nakaangkon ug usa ka samad apan gideklara kini nga dead on arrival sa attending physician.
Nakuha sa sakyanan ang 9 mm pistol nga may pito ka bala , ID, drug paraphernalia, buybust money ug tulo ka heat sealed transparent plastic cellophane nga nagkantidad ug P13, 720.00 .
Ang suspek ang tigpaniid sa presensya sa mga sundalo ug kapulisan sa Polomolok.
