GENERAL SANTOS CITY – Singkwentay singko ang bag-ong natala nga kaso sa COVID 19 sa Rehiyon 12 base sa labing ulahing report sa DOH – Center for Health Development Soccsksargen Region.
Sa nasampit nga ihap 27 ang gikan sa GenSan, 16 gikan sa Cotabato Province, 10 sa South Cotabato, tag-usa gikan sa Sultan Kudarat og sa Sarangani Province nga residente sa Glan.
Nasayran nga sa GenSan may katibuk-ang kaso na sa COVID 19 sa 1,656, samtang 173 ang active cases, 73 ang patay. Sa South Cotabato 1,334 ang kaso, 109 ang active cases, 32 ang patay.
Sa Cotabato Province adunay 603 ka kaso, 146 ang active cases og 29 ang patay.
Sa Sarangani may 488 ka kaso, 33 ang active cases og 15 ang patay. Sa Sultan Kudarat adunay 453 ka kaso, 30 ang active cases og 14 ang patay.
Sa katibuk-an adunay 4, 534 ang COVID-19 confirmed cases sa Rehiyon 12 kung asa 491 o 10.83% ang active cases, 3,880 o 85.58% ang recoveries og 162 o 3.57% ang COVID-19 related deaths.
