GENERAL SANTOS CITY -Gatuo ang pamilyang Pabalinas nga wala pa naangkon sa SAF 44 ang hustisya.
Matud pa ni Nelson Pabalinas amahan ni P/Sr Insp Ryan Pabalinas, nga makatabang aron mugaan ang kasakit nga ilang gibati gumikan sa nahitabo sa mga sakop sa SAF sa Tukanalipao, Mamasapano, Maguindanao.
Gikadugang pa sa nasampit nga ang mga tag-as nga mga opisyal ang may angayang mabasol.
Luyo niini nadawat ni Pabalinas ang nahitabo sa iyang anak apan dili mapuggan nga mahimong emosyonal kada Enero 25.
Sa bahin ni PNP Chief Gen. Debold Sinas, nahatag na ang hustisya sa pagkamatay sa 44 ka SAF troopers.
Matud pa kang Sinas alang kaniya nakuha na sa pamilya sag SAF 44 ang hustisya gumikan nahatag na ang tanang hinabang og benepisyo sa mga pamilya.
Sa pagkakaron adunay mga tabang pa sa pamilya sa SAF 44 ang nagpadayon susama sa scholarship sa mga anak saSAF 44 og housing project.
Gipasalig sa PNP nga dili maundang ang mga maong mga benepisyo.
