GENERAL SANTOS CITY – Baynte -siete ang natala nga bag-ong kaso sa COVID 19 sa Rehiyon 12 base sa labing ulahing report sa DOH – Center for Health Development Soccsksargen Region.
Sa maong data usab mukabat sa 32 ang bag-ong nakarekober. Sa bag-ong kaso sa COVID 19 nasuta nga 12 sa GenSan, 9 gikan sa North Cotabato Province kung asa 8 gikan sa Kidapawan City og usa sa Midsayap, usa ang gikan sa Koronadal City samtang lima sa Sultan Kudarat Province kung asa tulo gikan sa Esperanza og tag usa sa Isulan og Tacurong City.
Sa karon, may 156 pa ka active cases ang GenSan og 71 ang natala nga napatay sa COVID 19.
Ang South Cotabato ang may 124 ang active cases og 31 ang nakabsan sa kinabuhi. Ang North Cotabato ang may 110 ang active cases og 28 ang patay.
Ang Sarangani ang may 28 ang active cases og 15 ang nagtaliwan.
Ang Sultan Kudarat ang may 75 ang active cases og 13 ang napatay. Sa katibuk-an may 4,404 na ang confirmed cases sa COVID 19 sa Region 12 .
Anaa sa 493 (11%) ang active cases, 3,752 (85%) ang nakarekober na og 158 (3.59%) ang COVID-19 related deaths.
