GENERAL SANTOS CITY – Nahibulong si Jenaline Rendon Brooks usa ka pinay sa Amerika kung unsa karon ang nakitabo sa Estados Unidos ilabi kadtong adlawa nga gisulong sa mga supporters ni US Pres. Donald Trump ang US Capitol.
Sumala pa ni Brooks nga gumikan sa pulitika nahimong gubot ang Amerika nga misobra pa ang sitwasyon sa Mindanao.
Sa pagkakaron alerto ang Amerika alang sa gikatakda nga inagurasyon ni US Pres. elect Joe Biden.
Daghang mga otoridad gikan sa laing estado ang gipadala sa Washington sa pagbantay sa seguridad.
Kahibaluan nga temporaryo nga kinansela ang gikatakda unta nga rehearsals sa inagurasyon ni Joe Biden sa Lunes.
Matud pa sa ubang staff ni Biden natigayon kini gumikan sa isyu sa seguridad. Tungod sa nahitabo may adjustment sa schedule og posible himoon sa adlawng Martes.
Lakip nga gikansela ang Amtrak ride ni Biden og miyembro sa team nga mubiyahe gikan Wilmington sa Delaware hangtud Washington.
Gibutyag nga gikuha ni Biden ang serbisyo sa kanhi homeland security adviser sa Obama administration nga si Lisa Monaco aron mutabang sa pagpangandam sa iyang inagurasyon.
