GENERAL SANTOS CITY– Gimando ni Mayor Ronnel C. Rivera sa vaccination committee sa local IATF nga iandam ang budget allocation alang sa COVID-19 vaccination program sa dakbayan.
Matud pa sa mayor nga kini luyo sa pasalig ni NIATF chief implementer ug vaccine czar, Secretary Carlito Galvez Jr, nga usa ang GenSan sa pilot areas sa bakuna.
Gibutyag niini nga buot nga makasiguro hinungdan nga miggahin na og salapi luyo sa paghulat pa karon sa tanan sa pag-angkon ug bakuna kontra COVID 19.
Nasuta nga migahin og inisyal nga P200 milyon ang LGU-GenSan alang sa COVID-19 vaccine kung asa kini ang kantidad nga nauyonan atol sa pulong sa City- Inter Agency Task Force on Covid-19 (CIATF).
Sa maong kantidad kuhaon ang P10 milyon alang pagkuha og storage nga angayang butangan sa bakuna.
Gastohan usab sa siyudad ang transportasyon sa bakuna padulong sa GenSan, apil na ang pagpalit og dagom ug ubang medical equipments.
