Pagpabakuna og COVID 19 vaccine mandatory sa Amerika-Pinay

GENERAL SANTOS CITY – Mandatory sa Amerika ang pagpabakuna sa COVID 19, kini ang pamahayag ni Luisa Milone , usa ka pinoy nga gapuyo karon sa New Jersey sa Amerika nga lumad nga taga GenSan.

Matud pa kang Milone nga dili pwede nga magbalibad sa vaccine gumikan daghan ang musaway kanimo. Sa iyang pamahayag nga murag istilo sa komunista ang nahitabo gumikan obligado ang tanan nga magpabakuna.

Sumala pa niini nga kung muadto sa tulunghaan,trabaho o laing lugar pangitaan og vaccine card .

Giangkon niini nga bag-o lang siya nabakunahan sa COVID 19.

Kahibaluan nga ang Amerika ang gapanguna sa tibook kalibutan nga may labing daghang kaso sa COVID 19 nga kapin sa 21 million og kapin sa 370,000 ang patay.